Почетна / Рецепти / МЕКСИКАНСКИ ТОРТИЉИ СО ПИЛЕШКО МЕСО И ЗЕЛЕНЧУК

МЕКСИКАНСКИ ТОРТИЉИ СО ПИЛЕШКО МЕСО И ЗЕЛЕНЧУК

За сите оние кои го сакаат богатството на вкусовите и зачините, мексиканската кујна е идеална. Мексиканската храна и нејзиниот единствен вкус и мирис ќе Ви го доближат дел од Мексиканската култура.

Исто така мексиканската кујна позната е по десертите и супите а ние Ви препорачуваме да ги пробате мексиканските тортиљи. Ви нудиме едноставен рецепт кој можете да го подготвите во Вашиот дом.

Состојки: 1пакување тортиљи ( можете и сами да ги подготвите, но вака е побрзо), 100 грама пченка, 1 морков, 1 пиперка, 100 грама грашок, 500 грама пилешки гради, сирење (едемер, гауда …), сирење сечено во ливчиња, сол, црна пипер, чили, половина кромид, лук, 2 кисели павлаки, едно помало парче фета сирење.

Подготовка: Го сечкаме кромидот и го пржиме во тавата. Откако ќе пожолти ги додаваме пилешките гради, додаваме сол и црна пипер. Кога пилешкото месо малку ќе се испржи но не до крај додаваме мешаниот зеленчук и постојано мешаме. Кога смесата е готова додаваме сирење сечено во ливчиња и чили по желба. Смесата е готова. Тортиљите малку испрскајте ги со вода од двете страни и ставаме да се загреат во тавата.

Полнење: прво ставаме на тортиљата павлака па на неа смесата со зеленчук и пилешки гради. Наросуваме со изрендано сирење и ја виткаме тортиљата. Свитканата тортиља повторно ја мачкаме со павлака и наросуваме со изрендано сирење. Тортиљите ги ставаме во тепсија која пред тоа е намачкана со малку путер. Прво тавата ја ставаме во рерната да се загрее на 200 степени додека ги правиме тортиљите. Кога ќе завршиме со полнење на тортиљите, ги ставаме да се печат и ја намалуваме температурата на 180 степени. Ги вадиме од рерната кога сирењето ќе добие жолта боја. По Ваша желба можете да додадете чили. Добар апетит!

Проверете и

Креативни и здрави оброци јајце +пиперка- совршена комбинација

Во овој период од годината црвените пиперки се одличен додаток на секој ваш оброк. Па ...