Почетна / Совети за здравје / Храна за убавина, памет и здравје!

Храна за убавина, памет и здравје!

Во војната против стареењето често ја потценуваме моќта на здравата храна. Додека не се открие рецептот за еликсирот на младоста, правилен избор на намирници и здравиот начин на живот ќе работаат за нас.       

Генот за долговечноста е идентификуван, ″лекот″ против стареењето ќе биде кога тогаш достапен, но тоа не значи дека треба да седиме со скрстени раце додека времето поминува. Во војната против стареењето, често ја потценуваме моќта на здравата храна.

Еве ја листата на најздравата храна на светот. Направете два примероци, едниот залепете го на фрижидер, а вториот земете го кога ќе одете да пазарите. Не морате овие намирници да ги консумирате секој ден, но доколку ги вклучите во исхраната неколку пати неделно, брзо ќе ја забележите разликата.
Боровинките содржат повеќе антиоксиданси отколку било кое друго овошје. Една шолја боровинки дневно го подобрува и чува видот, го намалува ризикот од рак и дијабетес, а позитивно влијае и на помнењето. Боровинката содржи единение кое го намалува нивото на холестеролот, ефикасно колку и лековите, но без несакани ефекти. Доколку не ги сакате боровинките, добар избор се и малините, јагодите, капините, црното грозје и сливите.

Лососот, скушата, туната, сардината содржат најголемо количество на омега-3 масни киселини. Две или три порции неделно го намалуваат ризикот од кардиоваскуларни заболувања и канцер, помага во војната против артритис, а докажано е и дека консумирањето на овие видови на риба позитивно влијае и на меморијата, логичко резонирање и концентрација. Не ја сакате рибата? Темно зелениот зеленчук е соодветната замена, како и лен, оревите, јајцата …

Јатките и семките  се исто така богати со омега 3 масни киселини, а содржат и витамин Е кој, освен што помага во зачувувањето на когнитивните способности, ја чува еластичноста на кожата, така да го забавува појавувањето на брчките. Една рака јаткасти плодови дневно можат да направат чуда. Добар избор се бадемите, фстаците, индиските ореви, кикиритки, семките на сончоглед, сусам, семки од лен или путер од кикиритки.

Калинката е богата со антиоксиданси кои го штитат мозокот од слободните радикали. Чаша сок од калинка или четвртина свежа калинка би требало да стане дел од Вашата дневна рутина.

Чај – две или три шолји свежо подготвен бел, зелен или црн чај дневно ќе го подобри Вашето помнење и концентрација, а ќе Ви обезбеди и доволно силни антиоксиданси кои ќе придонесат за здрава циркулација на крвта и ќе ги спречи клеточните оштетувања. Истражувањата покажале дека консумирањето на зелениот чај го намалува ризикот од неколку типови на рак.    

Црното чоколадо со најмалку 70% какао е извор на силни антиоксиданси, но коцка или две дневно се доволни. Богата е со природни стимуланси вклучувајќи го и кофеинот, па ја подобрува концентрацијата а и го активира поинтензивното лачење на ендорфин.

Јогурт – истражувањата покажале дека стареењето ги забрзува непријателските бактерии во дигестивниот тракт, кој јогуртот го уништува, а научниците сметаат дека е тоа едно од објаснувањата на долговечноста на етничките групи чија исхрана содржи многу јогурт. Побарајте го јогуртот кој содржи активни култури.

Мешунките, гравот, грашокот и леќата се одлични за срцето, богати се со антиоксиданси, имаат ниска калориска вредност, а неколку порции неделно ќе Ви обезбеди доволно протеини и влакна.

Зеленчук – спанаќ е одличен извор на омега 3 масни киселини и фолати, кои го намалуваат ризикот од болестите на срцето и крвните садови, мозочен удар и остеопорозата.  

Тиквата е богата со железо, влакна, витамин Ц, калиум и бета каротен. Содржи и висок удел на антиоксиданси кои ги штитат клетките од оштетувањето, што го забавува стареењето. Една студија покажала дека личностите во чија исхрана е вклучена тиквата апсорбираат помалку масти од храната.

Доматот содржи ликопен, кој го намалува ризикот од ракот на бешиката, белите дробови, простатата, кожа и желудникот. Добра замена се лубеницата, црвениот грејпфрут и папајата.    

Проверете и

Храна која ќе ви помогне подобро да спиете

Храната е лек доколку се консумира умерено и во вистинско време се консумираат соодветни намирници. ...