Почетна / Активен живот / ДЕНЕСКА Е ВЕЛИКИ ЧЕТВРТОК – ПОЧНУВААТ ГОЛЕМИТЕ ВЕЛИГДЕНСКИ ПРАЗНУВАЊА!!!

ДЕНЕСКА Е ВЕЛИКИ ЧЕТВРТОК – ПОЧНУВААТ ГОЛЕМИТЕ ВЕЛИГДЕНСКИ ПРАЗНУВАЊА!!!

Велики четврток е најмногу познат по тајната вечера, апостолите и предавството.

Првите три јајца се вапсуваат на Велики четврток пред изгрејсонце за да не ги види сонцето и затоа, според верувањата, не се расипуваат со години.

Уште пред изгрејсонце домаќинките ги бојадисаа првите три црвени велигденски јајца, а црквата на овој ден споменува за светото миење на нозете, тајната вечера и предавањето на Синот Божји.

Црвените јајца во христијанството се симбол на воскресението Христово и на самиот празник Велигден. Формата го претставува гробот на Христос, како што од јајцето излегува живот кога ќе се испили, така од гробот излегол Исус Христос.

Црвената боја има симболика на победа. Нејзиното значење на овој голем Христијански празник е дека Господ Исус Христос со своето воскресение ја победил смртта. Црвената боја ја претставува божјата сила и моќ, а воедно ја симболизира и христовата крв, која Исус ја пролеал на крстот за спасение на сите луѓе на земјава. Така, бојата на јајцето не потсетува на крвта христова и спасението.

Оваа црковна традиција потекнува од првиот век по Христа, односно тоа се практикувало уште во времето на светите апостоли – христови ученици и нивните наследници. За тоа сведочи Светото предание. Велигденското јајце е старо колку и Христијанството и црквата го прифатила во својата традиција и практика како симбол на Христовото Воскресение. Првите христијани и современици на апостолите почнале да бојадисуваат јајца и да ги подаруваат на Велигден, поздравувајќи се со поздравот Христос Воскресе! На тоа отпоздравувале: Вистина Воскресе!

Според Светото предание се смета дека Марија Магдалена, една од жените мироносци прва го започнала овој обичај за велигденските црвени јајца.

Проверете и

Жито Маркети е нов Трговски Партнер на Lyoness во Македонија

Успешниот македонски ланец Жито Маркети стана нов Cashback Card партнер на интернационалната Куповна Заедница Lyoness. ...